الیکشن کمیشن نے نہال ہاشمی کو سینیٹ کی نشست سے ڈی نوٹیفائی کردیا 

الیکشن کمیشن نے نہال ہاشمی کو سینیٹ کی نشست سے ڈی نوٹیفائی کردیا 

 

اسلام آباد : توہین آمیز تقریر کیس میں نااہلی کے فیصلہ پر الیکشن کمیشن نے نہال ہاشمی کو سینیٹ کی نشست سے ڈی نوٹیفائی کردیا۔

تفصیلات کے مطابق سپریم کورٹ کے فیصلے پر الیکشن کمیشن نے نہال ہاشمی کوسینیٹ کی نشست سےڈی نوٹیفائی کردیا گیا، ترجمان الیکشن کمیشن کےمطابق سپریم کورٹ کے تحریری فیصلہ ملنے کے بعد نوٹیفکیشن جاری کیا گیا، ڈی سیٹ سپریم کورٹ کےفیصلےکی روشنی میں کیا گیا۔

اس سے قبل اڈیالہ جیل میں نہال ہاشمی کی طبیعت اچانک بگڑنے پر جیل اسپتال منتقل کیا گیا، طبیعت کی خرابی کا سنتے ہی ڈی آئی جی جیل خانہ جات، سپرٹنڈنٹ جیل اور دوسرے افسران جیل اسپتال پہنچے۔

ذرائع کے مطابق نہال ہاشمی کا طبی معائنہ کیا گیا۔

یاد رہے گزشتہ روز سپریم کورٹ نے دھمکی آمیز تقریر اور توہین عدالت کیس میں نہال ہاشمی کو 1 ماہ قید اور پچاس ہزار روپے جرمانے کی سزا سنائی تھی۔ عدالت نے نہال ہاشمی کو کسی بھی عوامی عہدے کے لیے 5 سال کے لیے نا اہل بھی قرار دیا۔

Leave a Reply

Your email address will not be published. Required fields are marked *

گذشتہ شمارے