ایل اوسی پربھارتی فوج کی فائرنگ، 75سالہ خاتون شہید

راولپنڈی : بھارتی فوج نے لائن آف کنٹرول کے چری کوٹ سیکٹر پر بلااشتعال فائرنگ کی جس کے نتیجے میں ایک ضعیف خاتون شہید ہوگئیں، پاک فوج نے دشمن کی جارحیت کا منہ توڑ جواب دیا۔

تفصیلات کے مطابق بھارتی فوج کی جانب سے کنٹرول لائن پر سیز فائر معاہدے کی خلاف ورزی کا سلسلہ تاحال جاری ہے۔

لائن آف کنٹرول کے چری کوٹ سیکٹر پر بھارتی فوج نے اپنی بربریت کا مظاہرہ کرتے ہوئے شہری آبادی پر فائرنگ کردی۔

پاک فوج کے شعبہ تعلقات عامہ آئی ایس پی آر کے مطابق بھارتی فورسز نے ککوٹا گاؤں کی شہری آبادی کو نشانہ بنایا، بلااشتعال فائرنگ سے75سالہ محمودہ بیگم موقع پر ہی شہید ہوگئیں۔

آئی ایس پی آر کا کہنا ہے کہ پاک فوج نے بھرپور جوابی کارروائی کرتے ہوئے بھارتی بنکرز کو نشانہ بنایا جس کے بعد دشمن کی بندوقیں خاموش ہوگئیں۔

Leave a Reply

Your email address will not be published. Required fields are marked *

گذشتہ شمارے