جنوبی کوریا کے سربراہ آئندہ ہفتے کم جونگ ان سے ملاقات کریں گے

پیانگ یانگ: جنوبی کوریا کے صدر مون جے ان آئندہ ہفتے شمالی کوریا کے سربراہ کم جونگ ان سے ملاقات کریں گے۔

تفصیلات کے مطابق صدر جنوبی کوریا آئندہ ہفتے شمالی کوریا کا دورہ کریں گے، اسی دوران دونوں ملکوں کے سربراہان کے درمیان ملاقات ہوگی۔

غیر ملکی خبر رساں ادارے کے مطابق کم جونگ ان اور مون جے ان کی ملاقات شمالی کوریا کے دارالحکومت پیانگ یانگ میں ہوگی، جہاں جوہری ہتھیاروں سے متعلق تبادلہ خیال کیا جائے گا۔

سفارتی ذرائع کا کہنا ہے کہ دو ملکی سربراہان کی اس ملاقات میں کوشش کی جائے گی کہ امریکا اور شمالی کوریا کے مابین جوہری مذاکرات میں پائے جانے والے تعطّل ختم کیا جائے۔

خیال رہے کہ حالیہ عرصے میں ان دونوں رہنماؤں کی یہ تیسری ملاقات ہوگی، خطے کو جوہری ہتھیاروں سے پاک بنانے کے موضوع پر بھی گفتگو ہوگی۔

اس سے قبل جنوبی کوریائی صدر مون جے ان کے خصوصی مندوب نے شمالی کوریا کے سربراہ کم جونگ ان سے ملاقات کی تھی اور انہیں جنوبی کوریا کے صدر کا خصوصی خط بھی پیش کیا تھا۔

یاد رہے کہ مون جے ان اور کم جونگ ان نے تاریخی ملاقات رواں سال اپریل میں کی تھی، صدر شمالی کوریا خصوصی ملاقات کے لیے جنوبی کوریا پہنچے تھے۔

بعد ازاں دونوں رہنماؤں نے مشترکہ پریس کانفرنس کرتے ہوئے باہمی جنگ کے خاتمے کے اعلان کے ساتھ ساتھ جوہری ہتھیاروں کے عدم پھیلاؤ پر بھی اتفاق کیا تھا۔

 

Leave a Reply

Your email address will not be published. Required fields are marked *

گذشتہ شمارے